Nfoŋ Bafumɛ
Wu gɛ ji kinta yi biluŋ 1970, wu le Nfoŋ wu nyume bafoŋ yuufe ncho wumumwa Nfumɛ, wu le yi kinta le kɛge kife kɛɛ le. Le wu wu nyume ŋgamu wu bafoŋ ba Achiaaŋ banɛ bachii yi kinta le. Wu le wu yɛyɛ ŋwa wu kɛɛ chuu le, bala le wu nya wu ŋwa wu chunyi lɛ wu kɛme ŋgvun yi fiɛɛ bala tɛŋe lɛ Kintaŋ ki ba lɛne mwɛne wu le njiiŋe wu lɛme chi joŋe. Wu njɛ nfoŋ wu le wu lɛŋ kikoo ki bite yeye yeye yuufe ncho bitɛŋ. Wu ka wu lɛŋ mwɛɛ wu mbiaŋ, kofi, kakawu, atɛnɛɛ a ŋɛ yi duude. Yi nyaa wu fiɛɛ fi wu nyaŋe kfuu che yu. Wu le wu lɛŋ Fɛmbɛŋ yeh yi kasu le njɛ muh wu saŋe ŋwa.
Nfoŋ Kikanyi
Ba gɛ bɛɛŋse wu ajiŋ a mwabwe wu gɛ ji bvnfoŋ yi biluŋ le yuufe ncho bvusoo sege wu gɛ lɛsɛ, ba tɛɛŋ wu fɛ yeh le. Nfoŋ Toma Kimbuse le Nfoŋ wu chiase yeh bɛ nyaŋ ye yi Nyo nya wu yu, le wu wu chi bee jwe wu banfoŋ ba che yi kuge yi yanɛ North west le kife ki ndefe le. Wu le mɛɛ nnnnfoŋ wu gɛɛne yeh yi bafoŋ le Bameda. Le nfoŋ wu koŋe bamii be bamii be koŋe wu. wu le mbele wuboo wu ka nyume jise chiboo.
Nfoŋ Bibeŋ
Le nfoŋ wu baaŋ tɛ chumu Achiaaŋ, mwa chiji kibɛɛ. Chiji gɛ bee nfoŋ wu ŋkuse woŋ wu Nchanele ki wu gɛɛŋ yeh yi bafoŋ le Bweya. Wu yuge njoŋ no wu chee a ba mbegɛ jiŋ kibɛne kinchiɛɛŋ le woŋ wu Nchane le.
Nfoŋ Bakioo
Wu baaŋ chumu wumu wu kee ŋwa we chuu le. Noo le wu nyume chiji Bakioo bachii, kiyone ki Nyo lɛ kfuu chi wunɛ muh bɛɛŋ ki wu to wu ji kinta. Fɛ ba kɛmɛ kfuu chi wunɛ chumu wu bɛɛŋ ki wu tuu woŋ le kiŋkoŋɛ ki tɛme baaŋ fɛ woŋ we le.
